Кербер го освои Вимблдон

Германската тенисерка Анџелик Кербер е победничка на годинашното издание на Грен слемот Вимблдон. Таа денес во финалето ја совалда Серена Вилијамс од САД со 2-0, во двата сета беше 6:3.

Мечот траеше 1 час и 7 минути.

За 30-годишната Германка ова е трет трофеј од Грен слем турнирите и прв на Отвореното првенство на Велика Британија.

Претходно ги има освоено Австралија Опен и УС Опен.

Наградниот фонд на Вимблдон годинава изнесува 34 милиони фунти.

Утре на програмата е машкото финале Ѓоковиќ – Андерсон.