Макрон ќе разговара со Путин за Сирија, Иран и Украина

Францускиот претседател Емануел Макрон денеска во Москва ќе разговара со неговиот руски колега Владимир Путин за Сирија, Иран и Украина.

Средбата ќе се одржи пред финалниот натпревар на Светското првенство во фудбал на кој Франција и Хрватска ќе се борат за шампионската титула.

Неименуваниот извор од Елисејската палата соопшти дека ситуацијата во Украина не е доволно развиена за да му дозволи на Макрон да го покани Путин на Самитот на Г-7 во Бијариц, на југот на Франција, кој ќе се одржи следното лето.