Жител на Калишта бесправно градел и узурпирал дел од Охридското Езеро

Криминалистичката полиција од Струга поднесе кривична пријава против С.Р (45) од струшкото село Калишта поради постоење основи на сомнение за сторени казнени дела „бесправно градење“ и „узурпација на недвижности“.

СВР Охрид соопшти дека во текот на 2017 година пријавениот како инвеститор на сопствена локација во место викано „Село“ атар на Калишта, без одобрение, на површина од 2.000 метри квадратни изградил автокамп узурпирајќи и дел од Охридско Езеро.

- Пријавениот ја оградил парцелата од западна и дел од северна страна со метални столпчиња и мрежа. Од извршениот инспекциски надзор од страна на градежен инспектор при Општина Струга составен е записник и донесено е решение со кое му се наредува да ја отстрани градбата, информира портпаролот на СВР Охрид Стефан Димоски.