Во Демир Хисар изложба „Хаос“ на ликовната уметница Александра Најдовска

Во фоајето на Домот на културата во Демир Хисар вечер ќе биде отворена ликовна изложба со наслов „Хаос“ чиј автор е ликовната уметница Алаксандра Најдовска.

Најдовска се занимава со неколку ликовни правци, со стрип, карикатурата, графички и дигитален дизајн на плакат, но и улична графит уметност.

- На ликовната изложбата „Хаос“ ќе биде презентиран дел од ликовното творештво на Најдовска кој претставува обид на обединување на нејзините ликовни истражувања во различни стилски техники. Публиката ќе може даги види нејзините најрани уметнички обиди од областа на карикатура, претставени преку четири изработени карикатурални портрети на нејзини познаници, и тоа „Флеш предизвик: вистина или илузија“, „Help“, „Имаш ситно“ и „Техничка грешка“, информираат од секторот за односи со јавност на општина Демир Хисар.

Ликовната изложба на Александра Најдовска е културен настан во рамки на манифестациите кои општина Демир Хисар ги организира како избран Град на културата за 2018 година.