Штипски „Исар“ ќе издава дуќани на Градскиот пазар

Штипското комунално претпријатие „Исар“ ќе издава под наем седум дуќани на Градскиот пазар, истакна денеска директорот на претпријатието, Живко Тасев.

Заинтересираните можат да конкурираат од денеска, а огласот ќе трае до 20 август. Дуќаните се издаваат на период од четири години.

- Четири дуќани се поголеми со површина од 16,16 м/2 и се со почетна цена од 8.000 денари, а три се помали од 14,45 м/2 и се со почетна цена од 8.200 денари. Аукцијата ќе се одржи на 23 август, а за сите информации околу документите лице за контакт е Соња Китанова, а околу дуќаните информации може да се добијат од Благојчо Зашов и Ирена Илива, рече Тасев.

На Градскиот пазар во Штип има 14 дуќани, кои беа изградени пред две години кога се изврши реконструкцијата на пазарот, а инвестициајта чинеше 110.000 евра.