Уште еден силен земјотрес го погоди индонезискиот остров Ломбок
Силен земјотрес со интензитет од 6,2 по Рихтер го погоди индонезискиот остров Ломбок каде во неделата имаше земјотрес од 6,9 степени по Рихтеровата скала.
Земјотресот бил на длабочина од 12 км и епицентар во североисточниот дел од островот. Тоа е трет силен потрес во Ломбок за нешто повеќе од една недела.
Локални медиуми јавуваат за урнати објекти.
Во претходниот потрес загинаа најмалку 130 луѓе, десетици илјади се без покрив.
