Последна фаза од подготовките на „традиционалците“ пред настапот на ЕП

Македонската репрезентација во традиционално карате која од 14 до 16 септември ќе земе учество на 33. Европски шампионат за сениори, младинци, јуниори и кадети во Белград, ги започна финалните подготовки за настапот на престижното натпреварување.

Репрезентативците од вчера работат во Скопје под водство на селекторот Венцислав Недев и тренерот Дејан Недев.

Список на репрезентативци повикани на подготовки пред ЕШ: Дејан Недев, Аљоша Недев, Јадранка Недева, Емилија Јанчевска, Матеј Ангеловски, Бојан Богдановиќ, Спасе Стојанов, Борјан Кондев, Петар Костов, Берта Милевска, Јана Милевска, Мила Саздова, Јелена Дробниќ, Огнен Тасевски, Димитар Витанов, Димитри Влахо, Ведран Андоновски, Максимилијан Глигоров, Ивона Лаушевиќ, Сара Поповска, Антонија Белазелкоска, Игор Зафировски и Мила Младеновска.

Две недели пред ЕШ во Белград сениорската репрезентација ќе земе учество и на ЕТКФ карате семинарот кој од 24 до 30 август ќе се одржи во Костанца, Романија.