Најмладите Карпошани ја одбележаа втората вечер од Карпошовото културно лето

Пред платото во ТЦ Лептокарија синоќа се одржа втората вечер од Карпошовото културно лето која беше наменета за најмладите.

Како што соопшти прес-службата на општината, ѕвезди на вечерта беа најмладите карпошани кои со своите насмевки и енергија се забавуваа на перформансот на Петко 5+, додека актеротот Сашко Коцев одржа стендап шоу.

Во музичкиот дел настапија Гуру Харе и пријателите: Игор Џамбазов, Дани, Тања Тас, Дамир Имери - клавијатура и Трајче Велков - труба.

Вечерва е последниот ден од Карпошовото културно лето и граѓаните ќе може да уживаат во тематска - етно вечер со фолклорно студио ЕТНОС, Чалгија Саунд систем и Бени Шаќири & Златко Ориѓански.