Поради дождот откажана Мото ГП трката во Британија

Трката за Големата награда на Велика Британија во Мото ГП беше откажана поради силниот дожд.

Оранизаторите по неколку одложувања ја откажаа трката бидејќи било утврдено дека условите на патеката „Силверстоун“ не се безбедни за возење.

Официјално стартот на трката беше закажан во 12:30 часот, а прво беше презакажана за 14 часот, па за 15 часот и во 17 часот беше потврдено дека нема да има трка.

Поради неповолни временски услови последен пат Мото ГП трка беше откажана во Австрија во 1980 година заради снег на патеката.