Црн викенд во Македонија, за два дена извршени три самоубиства

Црн викенд во Македонија, се самоубија три лица. Момче со пиштол си го одзема животот во Делчево, дедо се самоуби во Гостивар, а млад неготинец се самоубил со бесење.

Младо момче се самоуби во Делчево.

-На 25.08.2018 година околу 14,30 часот во Полициска станица Делчево, било пријавено дека на улица „4 Јули“ во сопствениот дом, самоубиство со огнено оружје – пиштол извршил Д.Ш. (19), се наведува во полицискиот билтен.

Во Полициска станица Гостивар ноќеска во 00:25 часот било пријавено дека во село Дебреше, гостиварско Ј.М. (78) извршил самоубиство со пиштол.

Извршен е увид на местото на настанот.По наредба на Јавен обвинител телото е предадено на обдукција.

Дваесет и деветгодишен неготинец се самоубил со бесење, потврди за МИА портпаролот на СВР Велес Верољуб Додевски.

-Не се познати причините за трагичниот настан. Засега нема информации дали младиот човек можеби оставил писмо зад себе- рече Додевски.