Челзи со петта победа по ред го следи Ливерпул во чекор

Челзи продолжува со добрата игра во Премиер лигата под водство на новиот менаџер Маурицио Сари, постигнувајќи петта последователна победа во петтото коло, во кое дома го победи Кардиф со 4:1.

По овој натпревар, „сините“ имаат 15 поени и ја делат лидерската позиција на табелата со тимот на Ливерпул, кој денеска победи на гостувањето кај Тотенхем.

Бамба даде изненадувачка предност за тимот од Велс уште во 16-тата минута, но до паузата Азар постигна три погодоци и пресврт на натпреварот во корист на лондонскиот клуб.

Тој беше прецизен во 37-та, 44-та и 81-та минута на средбата. Вилијан додаде еден гол во 83-тата, за да го оформи крајниот резултат.

Резултати од 5. коло во Премиер лигата:

Тотенхем - Ливерпул 1:2

Челзи - Кардиф 4:1

Борнемут - Лестер 4:2

Хадерсфилд - Кристал Палас 0:1

Манчестер Сити - Фулам 3:0

Њукасл - Арсенал 1:2

Од 18:30 часот се игра дуелот помеѓу Ватфорд и Манчестер Јунајтед.