Хамес објасни зошто ги испровоцира навивачите на Бенфика

Фудбалерот на Баерн Минхен, Хамес Родригез објасни зошто ги провоцирал навивачите на Бенфика на натпреварот од првиот круг на групната фаза во Лигата на шампионите.

Средбата заврши со резултат 2:0 во корист на гостите од Минхен.

Колумбиецот на излегување од теренот при неговата смена, кон публиката ја подигна раката и и ги покажа петте прсти.

- Пред седум години, Порто ја победи Бенфика со резултат 5:0, иако не треба да му придавате значење на ова. Јас сум поранешен играч на Порто мене не ми се допаѓа што мене ме исвиркуваат. Но јас мислам дека сето ова е нормално, изјави Родригез.