Манчини: Вратата во репрезентацијата за Балотели и Белоти не е затворена

Селекторот на италијанската фудбалска репрезентација, Роберто Манчини ја објасни својата одлука да не ги повика Марио Балотели и Андреа Белоти во тимот.

Италија ќе одигра пријателски натпревар со Украина на 10 октомври и дуел со Полска на 14 октомври во рамките на Лигата на нациите.

- Во моментов, Балотели и Белоти не се во најдобра форма, но тие се дел од тимот. Вратата во националниот тим е отворена за сите. Кога Марио и Андреа ќе бидат подготвени 100 проценти, тие ќе бидат повикани, изјави Манчини.

Токму Манчини е тој што го врати Балотели во репрезентацијата по пауза од четири години. Претходно последен пат „Супер Марио“ за Италија настапи во 2014 година, а со доаѓањето на Манчини на клупата на „азурите“ контроверзниот напаѓач во мај оваа година беше вратен во националниот тим.