Вандали искршиле столови на летната сцена во штипската Библиотека

Искршени и целосно се уништени столовите за публиката на летната сцена во дворпот на Националната универзитетска – библиотека „Гоце Делчев“ - Штип. Вандалскиот чин е пријавен во Полициската станица во Штип, а вработените во штипската Библиотека се револтирани бидејќи ова и не е првпат дворот да биде мета на вандалите.

- Дворот за жал, наназад, неколку години е мета на несовесни граѓани, на несовесни лица, кои го уништуваат. Овој пат имаат направено значителна голема штета, вели Соња Манева вработена во НУ-Библиотека „Гоце Делчев“ - Штип.

Таа забележува дека, како и во претходните случаи, доколку се откријат сторителите ќе се бара да ја надоместат целата штета. Инаку, летна сцена во штипската Библиотека се користи во текот на летната сезона за промоции на книги и други културно-емтнички настани.