Во Штип собир на родители на деца и возрасни со посебни потреби

Родители на деца и возрасни со посебни потреби и граѓански активисти денеска се сообраa на Градскиот плоштад „Слобода“ во Штип, со цел да ги потсетат и локалната и централната власт на нивните барања, кои како што велат, што се уште почнале да се реализираат.

Зоран Мијалков од Здружението „Сплотени срца“-Штип вели дека под итно треба да се почне со градење на центрите за згрижување на децата и возрасните со посебни потреби, бидејќи по нивната смрт нема кој да се грижи за нив. Меѓу приоритетните барања се и изградба на рехабилитациони центри.

– Ги повикуваме политичарите и парламентарците да почнат со системско решавање на нашите проблеми, ние нудиме и проактивни решенија. Време е веќе да се почне со грижата за децата и возрасните со посебни потреби. Во Европа не се легува без системско решавање на проблемите, вели Мијалков.

Тој додаде дека здруженијата и родителите ќе почнат да поднесуваат и претставки до Меѓународниот суд за човекови права во Стразбур.

Викторија Каранфиловска, мајка на дете со посебни потреби забележува дека се повеќе семејствата се распаѓаат, односно само еден од родителите се грижи за детето или децата со посебни потреби. Меѓу барањата е и да се направи регистар за лицата со посебни потреби, односно како што појасни таа, општините и институциите да пребројат колку во земјава има деца и возрасни со посебни потреби.

Добре има 74, а Благородна Маринковска има 64 години. Тие се родители на 34 годишен син со Даунов синдром. Ова семејство раскажува дека нивниот син добива само околу 4.500 денари од државата, а нема ниту бесплатно здравство. Сметаат дека државата треба да почне да размислува за лицата со посебни потреби, бидејќи по нивната смрт незнаат кој ќе се грижи за нивниот син.

Граѓанската иницијатива „Пет до 12“ од денеска се преминуваше во „Еден до 12“.