Деле Али останува во Тотенхем до 2024 година

Премиерлигашот Тотнхем успеа да го „обезбеди“ Деле Али во своите редови до 2024 година, откако двете страни денеска одлучија да стават потпис за продолжување на соработката.

На овој начин Деле Али му се придружи на првата ѕвезда на тимот Хари Кејн кој исто така го обнови договорот до 2024 година.

Али е во Тотенхем од 2015 година. Во првите две сезони одиграни за лондонскиот тим беше најдобар млад фудбалер и беше избран во идеалниот тим на Премиер лигата.