Вајт: Се надевам дека казната на Нурмагомедов ќе биде мала

Претседателот на УФЦ, Дејна Вајт коментираше пред медиумите во САД за можното отстранување на шампионот во лесна категорија Хабиб Нурмагомедов за инцидентите по победата над Конор Мекгрегор во УФЦ 229.

– УФЦ не може да влијае на процесот, се е во рацете на комисијата. Сослушувањето ќе биде во декември и се надевам дека Хабиб ќе биде остранен максимум за половина година, рече Вајт.

На 24 октомври во Лас Вегас се одржа првото рочиште во случајот против Хабиб и Конор Мекгрегор за битката воУФЦ 229. Комисијата ги отстрани двајцата до 10 декември, а следното сослушување се очекува да биде во првата половина на последниот месец на 2018 година.

Инаку во самиот натпревар, Хабиб го победи Конор, но тој побара реванш.