Твитерџиите ќе прават екла од пластични шишиња

Во сабота со почеток од 11 часот до 14 часот, твитерџиите повикуваат на правење елки од пластични шишиња во обид да ја подигнат јавната свест дека е важно да се рециклираат и да не се загадува околината. Собраните шишиња ќе се остават на следните пунктови: Лептокарија, на коцката пред Ревија, влезот на трговскиот центар Беверли Хилс, ТЦ Бисер, Порта Влае, пред Баду и кај Универзална сала.

Во недела, пак, настанот продолжува, исто така во 11 часот, а елката ќе биде поставена во парк Форум, зад Рекорд.

Настанот е од отворен тип и сите се поканети да се вклучат.

Исто така, тие апелираат да се чуваат празните пластични шишиња периодов, посебно оние од славите, и истите да се донираат на пунктовите.

Секој кој сака да учествува во „китењето” на елката, повеќе информации околу настанот може да најде на Фејсбук и на Твитер.