На поевтинувањата им дојде крајот: Бензините и дизелот од полноќ со повисоки цени

Малопродажните цени на бензините ЕУРОСУПЕР БС-95 и ЕУРОСУПЕР БС-98 од полноќ се зголемуваат за 2,5 денари, на ЕУРОДИЗЕЛ (Д-Е V) за 3,5, а на Екстра лесното масло за домаќинство (ЕЛ-1) за четири денари од литар, одлучи денеска Реулаторната комисија за енергетика.

Литар ЕУРОСУПЕР БС-95 ќе чини 61,00 денар, ЕУРОСУПЕР БС-98 ќе изнесува 63,00, ЕУРОДИЗЕЛ (Д-Е V) 58,50, а Екстра лесното масло за домаќинство 47,50 денари.

За 3,573 денари поскапува и мазутот М-1 НС и еден килограм ќе се продава за 29,522 денари.