Иран: Нападот врз базата поврзана со Револуционерната гарда

Иранската државна телевизија објави дека во денешниот напад врз база во градот Никшар на паравоените сили Басиџ, една од петте вооружени формации на Револуционерната гарда, едно лице загина, а петмина се повредени.

Иранските власти не соопштуваат детали за нападот, а се уште никој не презел одговорност.

Никшар се наоѓа во иранската покраина Систан-Балуџистан, а минатата недела во двоен напад во главниот град на покраината, Захедан, повредени се тројца полицајци.

Во минатото за слични напади одговорност преземаа локалните сепаратисти и криумчари на дрога.