Министерот Хасан ги презентира инвестициските можности пред бизнисмените на Истанбул

Министерот за странски инвестиции Елвин Хасан кој престојува во работна посета на Република Турција, пред Стопанската комора на Истанбул ги презентираше владините мерки и политики кои им обезбедуваат поддршка на странски компаниите во земјава за реализација на успешен бизнис.

Хасан, како што соопшти неговиот кабинет, ги претстави и поволностите што ги нуди земјава за инвестирање. Тој вчера имаше и средба со претседателот на Комората, Шекиб Авдагич.

Министерот го покани Авдагич да ја посети нашата земја,а тој одговори потврдно и кажа дека во иднина е отворен за предлози на Хасан.

Стопанската комора на Истанбул е основана во 1882 година, кога Османлиската држава одлучи сите претставници на индустрискиот сектор да бидат во една институција. Денес е една од најголемите стопански комори во светот, со вкупно 350.000 членки.