Адеми оствари средба со Милачиќ

Македонија и Црна Гора досега имаат реализирано успешна соработка во сите дејности на културата, беше заклучено на средбата на министерот на култура Асаф Адеми со Јелена Милачиќ, вршителка на работите во Амбасадата на Црна Гора во Македонија.

Од Министерството за култура соопштија дека Адеми и Милачиќ изразиле подготвеност во наредниот период да се интензивираат соработката и размената на проекти во двете држави.

– На средбата беше потенцирано дека двете држави негуваат одлична соработка и во рамките на еминентните меѓународни организации, како што се: Форумот на словенските култури, Советот на министри од Југоисточна Европа, УНЕСКО, во рамките на меѓународната мрежа „Традуки“ и програмата на Европската Унија „Креативна Европа“, а се реализираат и заеднички проекти во рамките на Регионалните мрежи на националните комитети на ИКОМ и ИКОМОС, наведоа од Министерството за култура.

Имено, во текот на овој месец во работна посета на нашата земја ќе престојува министерот за култура на Црна Гора, Александар Богадановиќ, кој со Адеми ќе ја потпише новата Програма за културна соработка меѓу двете Министерства со која во наредиот период ќе се се реализираат голем број на активности.