„Игра на престолите“ критикувана поради темните сцени

Првата половина од долгоочекуваната „битка за Винтерфел“ во серијата „Игра на престолите“ не мина добро.

Гледачите изразија критики поради „многу темната кинематографија“ во оваа епизода.

– Каква неверојатна епизода!, напиша на Твитер еден вљубеник во серијата, објавувајќи црна слика без ништо на неа.

– Вистинската „игра на престоли“ е мачењето да се види што се случува на мојот мрачен екран, напиша друга обожавателка.

Ова се само дел од саркастичните коментари на гледачите кои не можеа да ги разликуваат своите ТВ херои од „белите шетачи“.