Не сум во најдобра состојба, признава Фетел

Себастијан Фетел признава дека не се наоѓа во најдобра состојба, а причината за тоа е дека не го чувствува автомобилот на Ферари на најдобар можен начин.

Германецот и „Скудерија“ и понатаму не можат да извлечат максимум и иако според многумина имаат подобар болид од Мерцедес, „сребрените стрели“ се безгрешни до моментот со 4 последователни двојни победи.

– Потребна ни е поголема брзина. Неопходно е да сме побрзи, а за таа цел треба да го извлечеме максимумот од болидот, што досега не го правиме. Особено за патека како во Баку, мора да имате доверба во автомобилот. И јас сè уште не го чувствувам тоа. Дефинитивно не возам така, како што можам, а причината е дека автомобилот не се однесува така, како што очекувам што ги прави работите неприродни, прокоментира Фетел.

Фетел додаде дека на тимот му треба подобрување, за да бидат побрзи.

– Кога презентацијата недостасува, ја искривува вашата пресуда и чувство за автомобилот. Изгледа дека во трките очигледно сум почувствителен отколку што бев на тестовите. Тие сепак се во минатото и она што ни треба е подобрување, за да станеме побрзи, заврши германскиот пилот.