Кумановскиот театар со „Мани, мани, мани“ освои награда за најхумористична престава

Кумановскиот театар со претставата „Мани, мани, мани“ ја освои наградата за „Најхумористична претстава“ на фестивалот во Габрово во Бугарија, соопштија денеска надлежните од Цeнтарот за култура „Трајко Прокопиев“.

– Во конкуренција од осум претстави, нашата е прогласена за најхумористична, изјави директорот на установата Сашо Тодоровски.

Тој потсети дека Кумановскиот театар со години учествува на овој фестивал и најави оти ќе го покани театарот од Габрово да гостува во градот со своја претстава.

Кумановскиот театар ќе учествува и на фестивалот „Војдан Чернодрински“ во Прилеп со претставата „Физика на тагата“. До крајот на првата половина од годината се очекува да бидат прикажани три премиери на театарот.