Концерт на акробатски музичари на Драмскиот аматерски фестивал

Како придружна содржина од 56. Драмски аматерски фестивал (ДАФ), во Кочани гостуваа акробатските музичари Филип Тејлор и Гранета Фотиу кои настапија на неколку сцени низ градот.

– За да ја донесеме уметноста, културниот живот овде, во Кочани, фестивалот го изнесовме надвор, во паркот пред Центарот за култура, каде се прикажуваат и театарски претстави коишто имаат еден вид акробатско-карневалски карактер. Овде првпат е актерката од Грција, Фотиу, и Американецот Тејлор. Тоа се акробатските музичари Гранета Фотиу и Филип Тејлор, кои настапувале во Истанбул, во Атина. Тие настапија е пред пазарџиите во Кочани, бидејќи веројатноста дека тие луѓе ќе дојдат на Фестивалот е многу мала и тоа беше фантастичен настан, соопшти Дарко Спасов, претседател на Управниот одбор на ДАФ.

Според Спасов, Драмскиот аматерски фестивал ќе добие на квалитет и интерес кај публиката само ако се зголемува соработката на регионално, национално и на меѓународно ниво, со партнерства коишто можат да ги движат културата и уметноста напред.

Драмскиот аматерски фестивал завршува утре, кога ќе бидат доделени најградите на најуспешните претстави.