„Сенката на Марко Крале“ – монографска студија на Витомир Митевски
Во издание на МАНУ излезе од печат монографската студија „Сенката на Марко Крале“ од академик Витомир Митевски, во која авторот прави компаративно истражување на античката, византиската и македонската епска поезија.
-Според оценката на добрите познавачи на македонската епска поезија, оваа книга фрла ново светло на генезата на нашите национални духовни вредности, соопшти Академијата.
Витомир Митевски е автор на богат научен опус од областа на филозофијата, античката и византиска книжевност. Негови најзначајни дела се монографијата за Хераклит, Поимот на душата во античката и средновековната култура, Македонската апстрактна терминологија, Хомер и Прличев…
