Лигвистичка работилница во рамки на „Научната и уметничка визита 2019“ што ја одржува МАНУ во Охрид
Во рамки на летните активности на МАНУ, во Куќата на Уранија во Охрид како дел од Манифестацијата „Научна и уметничка визита 2019“ во периодот од 27 до 29 овој месец ќе се одржуваат научни средби, изложби и промоции на членовите и центрите на МАНУ.
Научната и уметничка визита 2019 на МАНУ започнува со Лингвистичката работилница на Истражувачкиот центар за ареална лингвистика при МАНУ.
На работилницата ќе се разгледуваат методите на обработка на дијалектни атласи, теоретските и методолошките поставки на дијалектолошките истражувања, современата состојба на македонските дијалекти, а ќе се дискутира и околу концепцијата за изработка на дескриптивна граматика на македонскиот јазик.
