Багдатис ќе се пензионира по „Вимблдон“

Кипарскиот тенисер Маркос Багдатис изјави дека ќе ја заврши својата кариера по „Вимблдон“, кој започнува на 1-ви јули.

Триесет и четири-годишниот Багдатис доби покана од организаторите да учествуваат на третиот турнир Гранд Слем за сезоната.

„Сакам да објавам дека претстојниот „Вимблдон“ ќе биде последниот турнир во мојата професионална кариера. Благодарен сум на организаторите за мојата „вајлд карта“ и можност да се збогувам со спортот што го сакам толку многу. Со спортот што беше дел од мојот живот повеќе од 30 години. Одлуката не беше лесна, но тешко е да се вратам на претходното ниво. Последните две години се комплицирани за мене поради повреди и болки. Имам прекрасна жена, две мали ќерки, наскоро ќе се роди трето дете. Затоа сум неверојатно среќен што можам да поминувам повеќе време со нив дома. Иако сум тажен дека се збогувам со тенисот, со нетрпение ја очекувам нова фаза од мојот живот“, пишува Багдатис на неговиот Фејсбук профил.

За време на неговата кариера, Багдатис освоил четири турнири и стигнал најмногу до осмото место на АТП ранг листата.

Во 2006 година, тенисеро од Кипар се пласираше во финалето на „Австралија опен“.