Ѓоковиќ со уште две цели до крајот на кариерата

Откако славеше на спектакуларното финале во Вимблдон, рекетот број еден во светот Новак Ѓоковиќ изјави дека до крајот на неговата кариера му остануваат уште две неостварени цели.

– Гренд-слемовите се во овој момент приоритет во оваа фаза на кариерата. Втората цел е да го соборам рекордот според недели на останување на првото место, а јас не сум далеку од тоа, изјави Ѓоковиќ за „Тенис чанел“.

Новак во неделата во натпреварот против Рожер Федерер ја освои 16-та Грен слем титула, му се приближи на Рафаел Надал со две титули Гренд слем заостанување и со четири до рекордот на Федерер.

Инаку, што се однесува до неделите поминати на чело на АТП листата, Ѓоковиќ влезе во 261 недела, а пред него се Џими Конорс (268), Иван Лендл (270), Пит Сампрас (286) и Рожер Федерер (310).

Големи се изгледите на српскиот тенисер со добар настап на „УС Опен“ да го собори рекордот на Швајцарецот Федерер, на првата позиција на АТП листата.