Тешко повредена жена на паркинг во Куманово

Патничко моторно возило „Фолксваген голф“ со кумановски регистарски ознаки, управувано од И.Ј. (51) од село Лојане вчера, на паркинг на булеварот „Октомвриска револуција“ во Куманово, удрило во пешакот Р.М. (75).

Според полицијата, Р. М. здобила тешки телесни повреди по што е пренесена во Општата болница Куманово.

Извршен бил увид на местото на настанот од увидна екипа од СВР Куманово.