Свитолина е првата полуфиналистка во Њујорк

Елина Свитолина (Украина) е првата полуфиналистка кај дамите на „Ју Ес Опен“.

Во раното четвртфинале на денешната програма, Свитолина, рангирана под број 5, ја совлада британската тенисерка Јоана Конта со 6:4, 6:4 за 1 час и 42 минути.

За Свитолина ова ќе биде прво појавување меѓу најдобрите четири во Њујорк и второ последователно во Гренд-слем турнир, по полуфиналето на „Вимблдон“ овој јули.

Свитолина ќе игра со победникот на натпреварот помеѓу Американката Серена Вилијамс и Кинескињата Циан Ванг.