ФИТР денеска ќе ја презентира предлог-програмата Фонд за млади умови

Фондот за иновации и технолошки развој (ФИТР) денеска ќе ја презентира предлог-програмата Фонд за млади умови „Анализа на потреби и понатамошни чекори“.

На промоцијата во мултимедијалниот центар „Котур“ најавено е да се обратат директорот на ФИТР Јован Деспотовски и Ребека Eлис, истражувачка и соработничка на универзитетите „Џон Хопкинс“ и „Њу Ореланс“ во САД и соработничка на УНИЦЕФ Македонија.

Фондот за иновации и технолошки развој во соработка со УНИЦЕФ веќе неколку месеци работи на иницијативата за поддршка и развој на талентирани деца со цел да се креира системско решение со кое државата во иднина ќе вложува во развивање и поддршка на таленти кај младите.