Времен сообраќаен режим на улица „Бихаќка“
Градот Скопје ги известува граѓаните дека на 29.10.2019 година, поради завршно асфалтирање на ул. Бихаќка, сообраќајот ќе биде затворен во двете насоки на еден дел од улицата Бихаќка, и тоа на потегот од ул. Востаничка до влезната капија на МВР. Асфалтирањето ќе трае 24 часа, а сообраќајот ќе биде пренасочен по околните улици. Град Скопје апелира до сите учесници во сообраќајот да бидат трпеливи и да ја почитуваат поставената сигнализација, како и да ја приспособат својата брзина на движење според условите на патот.
