Тухел одговори: Јас сум пак заљубен во многу играчи на Реал

Менторот на Пари Сен Жермен, Томас Тухел интересно одговори на изјавата на Зинедин Зидан денес дека е „заљубен“ со Килијан Мбапе веќе некое време.

– Јас сум заљубен сум во многу фудбалери на Реал, рече Германецот на својата прес-конференција пред натпреварот помеѓу двата тима во Лигата на шампионите.

Средбата е во вторник на „Сантијаго Бернабеу“ во 21:00 часот.

– Не знам точно колку Зидан е заљубен во Мбапе, но најважно е што тој е наш играч. Честопати сакаме работи што не можеме да ги имаме, посочи Тухел.

Тренерот се надева дека младиот светски шампион нема да биде продаден.

– Сакаме да изградиме силен тим со Мбапе во него. Не сакам да размислувам за иднина без Килијан, додаде Германецот.