На 57 годишна возраст почина поранешниот директор на Т-Мобиле, Жарко Луковски

Во Скопје попладнево на 57-годишна возраст почина поранешниот главен извршен директор на „Т-Мобиле“ Жарко Луковски.

Дел од медиумите јавија дека Луковски починал во болница како последица на мозочен удар кој го доживеал вчера.

Луковски беше на највисоки раководни позиции во „Т-Мобиле“ од 2006 година. Во 2010 година беше назначен за главен извршен директор на „Т-Мобиле Македонија“, а во 2015 година за главен оперативен директор на Македонски телеком.

Луковски беше и еден од осомничените во случајот „Базни станици“ на Специјалното јавно обвинителство.