Ливерпул елиминиран од Астон Вила во четвртфиналето на лига купот

Убедлив пораз од 5:0 претрпе Ливерпул синоќа на гостувањето кај Астон Вила во четвртфиналето на англискиот Лига куп.

Во нормални околности, овој пораз со ваков резултат ќе претставува вистинска сензација, но во случајот не е така, бидејќи Ливерпул на натпреварот настапи со младинската екипа предводена од нивниот тренер Нил Крикли.

Инаку, првиот тим под водство на тренерот Јирген Клоп се наоѓа во Катар каде вечер ќе го игра натпреварот од второто полуфинале против Монтереј.