Каратистката Камелија Недев освои две награди на Карате купот во Кипар

На новогодишниот „Фунакоши Гичин” карате куп кој се одржа викендов во Лимасол, Кипар нашата каратистка Камелија Недев освои прво место во кати и второ место во кихон за деца од 7-8 години, соопшти Македонската традиционална карате федерација.

На новогодишниот куп учествуваа 240 натпреварувачи од Кипар, С.Македонија, Грција и Турција.

-Овој турнир беше последен за оваа година за нашите каратисти кои годинава настапија на голем број меѓународни натпреварувања од каде традиционално се вратија со грст освоени медали, додаваат од МТКФ.