Трамп: Ниту еден Американец не е повреден во иранските напади врз бази во Ирак

Американскиот претседател Доналд Трамп нагласи денеска дека нацијата треба да биде „благодарна“ што ниту еден Американец не бил повреден во иранските ракетни напади врз две воени бази во Ирак.

Иран денеска истрела повеќе од 12 балистички прокетили врз две воени бази во Ирак, а иранската Револуционерна гарда презеде одговорност за напад истакнувајќи дека нападите се „одмазда за убиството на командантот на единицата Кудс, Касим Сулејмани.