Надал го совлада Делбонис и се пласира во третото коло на Австралија опен

Првиот светски рекет Рафаел Надал денеска го совлада Аргентинецот Федерико Делбонис со 3-0, по сетови 6:3, 7:6 и 6:1 и се пласира во третото коло на Грен слемот Австралија опен.

Мечот траеше два часа и 30 минути.

Во следното коло ривал на Шпанецот ќе биде неговиот сонародник Пабло Карено Буста.

Вкупниот награден фонд на првиот од четири Грен слем што се играат во текот на годината изнесува 49,1 милиони долари.