Напаѓачите од Велес заработија кривични пријави, меѓу нив и 15 годишен малолетник

Кривична пријава е поднесена против четири лица меѓу кои и еден 15-годишен малолетник кои се сомничат дека ги нападнале полициските службеници кај црквата „Св. Спас“ во Велес, а еден од нив и повреди полициски службеник.

Триесет и двегодишниот Џ.К. се сомничи за кривично дело „напад врз службено лице при вршење работи на безбедноста“ и „убиство во обид“, додека останатите М.К.(33) и О.К.(29) за кривични дела „напад врз службено лице при вршење работи на безбедноста“ и „помагање во врска со убиство во обид“. Малолетникот е осомничен за кривично дело „спречување службено лице во вршење на службено дејствие”.

Тие во неделата пред пред црквата „Св. Спас“ во Велес физички нападнале полициски службеници по што Џ.К. му го одземал службениот пиштол на еден од полицајците и испукал кон него три куршуми, нанесувајќи му прострелни рани.