Двајца стружани и еден охриѓанец заработија кривични пријави поради фалсификување документи

Одделението за внатрешни работи Струга поднесе кривична пријава против Н.Л.(62) од струшкото село Ливада поради постоење основи на сомнение за сторени кривични дела „фалсификување исправа“ и „измама при добивање кредит или друга погодност”, против Ј.Џ.(40) од Охрид поради постоење основи на сомнение за сторени кривични дела „измама при добивање кредит или друга погодност“, „фалсификување или уништување деловни книги“ и „фалсификување на исправа“ и против М.К.(66) од Струга поради постоење основи на сомнение за сторени кривични дела „измама при добивање кредит или друга погодност”, „фалсификување на исправа“ и „соизвршителство“. Пријавените, кривичните дела ги сториле во врска со увезен патнички автомобил „мерцедес“, кој легално не можел да се регистрира, поради што, изготвиле фалсификувани документи.

Тие ги приложиле документите во Бирото за метрологија при Министерство за Економија – Скопје и АМД Охрид за регистрирање на возилото.