ОЈО Берово поднесе три казнени налози за прекршување на полицискиот час

Основното јавно обвинителство Берово денеска до Основниот суд Берово поднесе предлози за издавање казнени налози против три лица за кривично дело – Непостапување според здравствените прописи за време на епидемија, соопшти денеска од Јавното обвинителство.

-Обвинетите во три одделни настани, на 8 и 9 април, не ја почитувале Одлуката за забрана и посебен режим за движење на територијата на Република Северна Македонија и за време на полицискиот час се движеле низ градот, информираат од обвинителството.

Јавниот обвинител на Судот му предложи да определи парични казни и тоа за двајца обвинети во износ од 30 дневни глоби во вредност од по 10 евра, додека за еден обвинет – казна од 50 дневни глоби во вредност од по 10 евра.