Јапонија ја повлече својата апликација за организација на Светското фудбалско првенство за жени во 2023 година

Фудбалската федерација на Јапонија ја повлече кандидатурата за организација на женскиот фудбалски Мундијал во 2023 година.

Одлуката е под влијание на ситуацијата со пандемијата на коронавирус. Според првичниот план, натпреварите во Јапонија требаше да се одржат во неколку големи градови, вклучувајќи ги Токио, Осака и Кјото.

ФИФА ќе го избере местото за женско СП 2023 година на 25 јуни.

Во игра за домаќин на планетарниот собир останаа Колумбија и Австралија со Нов Зеланд кои поднесоа и заедничка апликација.

Турнирот во 2023 година ќе биде првиот на кој ќе учествуваат 32 женски репрезентации.