Баерн со појаснување за информациите за трансферот на Сане

Спортскиот директор на Баерн (Минхен), Хасан Салихамиџиќ ги негираше информациите на „Билд“ дека е договорен трансферот на Лерој Сане од Манчестер Сити, но призна дека преговорите се во тек.

– Имаме плодни разговори со претставниците на Сане и Сити. Но, ние мора да бидеме трпеливи, во моментов нема што друго да кажам, изјави Салихамиџиќ за официјалната веб-страница на Баварците.

Се очекува Баерн да плати помеѓу 50 и 60 милиони евра. Минхен е подготвен драстично да ја зголеми платата на крилниот напаѓач.

Менаџерот на граѓаните, пеп Гвардиола веќе призна дека Сане одбивал повторно да потпише со „небесносините“.