Над 57% од Унгарците сакаат да го гледат Орбан во водечка политичка улога во иднина

Унгарскиот премиер Виктор Орбан овој месец го има највисокиот рејтинг во последниве пет години, покажа истражувањето направено од страна на Институтот Незопонт.

Во анкетата спроведена помеѓу 14 и 16 јули, 57 проценти од испитаниците рекле дека сакаат да го гледаат Орбан во водечка политичка улога во иднина, велат од институтот. Само една третина од испитаниците се незадоволни од перформансите на Орбан, најнизок од октомври 2015 година, објави HungaryToday.

Оценката за одобрување на Гергели Гулијаш, шеф на Кабинетот на Премиерот се искачи за 14 процентни поени, на министерот за надворешни работи Петер Сијарто за 10 поени и на министерот за финансии Михали Варга за 9 поени од декември 2019 година, а на тоа се припишуваат спроведените мерки на владата како одговор на КОВИД-19.