Најмалку 17 убиени при експлозија на автомобил-бомба во Авганистан

Најмалку 17 лица се убиени во Авганистан во силна експлозија на автомобил-бомба во провинцијата Логар, јави Би-Би-Си.

Експлозијата се случи во пресрет на примирјето што го објавија Талибанците за време на претстојните верски празници.

Талибанците не преземаа одговорност за нападот, ниту групата Исламска држава.

-Се верува дека нападот го извршил бомбаш-самоубиец, изјави портпаролот на гувернерот на Логар, Дедар Луанг.

Експлозијата се случи во близина на канцеларијата на гувернерот, каде што многу луѓе пазаруваа за празниците.

– Терористите удрија повторно во ноќта на празникот Еид ал-Ада и убија голем број наши сонародници, рече портпаролот на Министерството за внатрешни работи, Тарик Ариан.

Портпаролот на Талибанците, Забихулах Муџахид изјави дека нападот нема „никаква врска“ со нив.