Хамнеи: Европските држави не успеаја да го спасат нуклеарниот договор

Иранскиот врховен лидер, ајатолах Али Хамнеи изјави денеска дека европските држави не успеале да го спасат нуклеарниот договор на таа земја со светските сили.

– Тие со празни ветувања и нанесоа удар на иранската економија, оцени Хамнеи во телевизиско обраќање.

Од 2018 година, кога американскиот претседател Доналд Трамп ги повлече САД од договорот и повторно воведе санкции против Техеран, европските потписници на договорот ги интензивираа напорите да го спасат актот, штитејќи ја иранската економија од американските казни.