Казнети 85 лица за неносење маска изминатиот викенд во Велешко

Во изминатите три дена на подрачјето на СВР Велес, 85 лица биле казнети за неносење заштитни маски, најмногу од нив дури 63 биле од Велес, 13 во Кавадарци и девет во Неготино.

Во период 9 – ти и 10 – ти август за непочитување на Уредбата за носење на лична заштита екипи на СВР Велес казниле 30 лица и тоа, 21 во Велес, седум во Кавадарци и две во Неготино.

Во периодот 8-ми и 9-ти август биле казнети 29 лица, од кои 27 се во Велес и две во Кавадарци. И во периодот 7-ми и 8-ми август биле казнети 26 лица и тоа 15 во Велес, четири во Кавадарци и седум во Неготино.

Портпаролот на СВР Велес, Верољуб Додевски апелира до граѓаните да носат заштитни маски со што ќе го заштитат сопственото и здравјето на останатите граѓани од ширење на Ковид-19.