Дебарското обвинителство побара условна казна затвор до три месеци за 19 годишно момче кој излегол од самоизолација а бил позитивен на Ковид
Дебарското обвинителство со Предлог за издавање казнен налог побара од надлежниот суд на едно лице на возраст од 19 години да му изрече условна осуда со утврдена казна затвор до три месеци, поради постоење основано сомнение дека лицето го сторило кривичното дело непостапување според здравствените прописи за време на епидемија.
Обвинетиот на 19 јули 2020 година, информираа денеска од Јавното обвинителство на Република Северна Македонија, бил затекнат надвор од својот дом, иако за него било донесено решение со кое му било определен здравствен надзор и задолжителна самоизолација поради тоа што бил позитивен на вирусот Ковид – 19.
